Sølvvarefabrikken rives - middelalderhistorien løftes frem

Det er gjennomført fleire endringar i området rundt Bergen Storsenter og haldeplassen ved Nonneseter i sørgåande retning. Arbeidsområdet er no fullt inngjerda, og det har vore trafikkvakter i området dei siste vekene. Desse vil ikkje vere til stades etter påske.

Langs heile fortauet ved Jernbanestasjonen er det sett opp tydeleg markering av ferdselsareal. Det er viktig at alle held seg innanfor desse markeringane. Det er godt skilta både for gåande og syklande, men særleg syklister blir oppmoda om å vise ekstra merksemd og tilpasse seg den nye trafikksituasjonen.

 

Forholda for syklande har tidlegare ikkje vore optimale i dette området. No som fortauet ved Sølvvarefabrikken er stengt, har situasjonen vorte meir krevjande. Vi forstår at fleire vel sykkelen no når vêret blir mildare, men minner om at det er nødvendig å ta omsyn til endringane i gangmønster og framkomst.

Tårnfoten og Korkapellet blir verna gjennom heile anleggsperioden

Heile Sølvvarefabrikken og leilegheitskomplekset er no skjerma med stålplater. Etter kvart som rivinga går framover, vil stillaset bli fjerna trinnvis.

• 8. april startar riving av innsida av bygga ved hjelp av riverobotar. Rivingsarbeidet blir utført manuelt og skånsamt for å ta vare på omgjevnadene.
• 20. april startar riving av byggets utside.

Tårnfoten og Korkapellet vil vere beskytta og stå urørt gjennom heile prosessen.

Riksantikvaren, Byantikvaren, Fortidsminneforeningen og Vestland fylkeskommune har hatt ei sentral rolle i den omfattande prosessen med å utforme det nye byrommet. Dette sikrar at kulturhistoriske omsyn blir ivaretekne i alle fasar av prosjektet.