Leverandør

Kontraktstrategi for Bybanens byggetrinn 5 til Åsane 

Prosjektet omfattar eit breitt spekter av kontraktar innan prosjektering, byggje- og anleggsarbeid, tekniske fag og spesialiserte leveransar. Kontraktstrategien er utvikla for å sikra effektiv gjennomføring, god usikkerheitsstyring og mest mogleg infrastruktur for pengane som skal investerast.

Dette har vi tenkt å få til gjennom å invitere inn nasjonale og internasjonale rådgjevarar, entreprenørar og leverandørar allereie nå i førebuingsfasen til å diskutera og løysa.

Det nye for dette byggetrinnet er at Bybanen Utbygging vil nytte oss av totalentreprisar på en del av grunnarbeidet. I tillegg vil vi også gjennomføre nokon samspillskontraktar for dei mest komplekse og omfattande kontraktane vi skal inngå. På denne måten ønsker vi å auke samspelet mellom dei ulike partane i prosjektet, få tydeleggjort og avklart grensesnitt tidleg.

Vi inviterer entreprenørar, rådgjevarar og leverandørar til å setja seg godt inn i planane våre og vurdera korleis de kan bidra til å skapa Den Gode Reise med Bybanen til Åsane.

Eigar av Byvekstavtalen og Miljøløftet i Bergen

Byvekstavtalen og Miljøløftet er eit samarbeid mellom staten, representert ved Statens vegvesen og Jernbanedirektoratet, Vestland fylkeskommune og Bergen kommune. Partane har eit felles ansvar for å planleggje, finansiere og gjennomføre tiltak som skal bidra til eit meir miljøvenleg transportsystem i Bergensområdet.

Samarbeidet omfattar mellom anna satsing på kollektivtransport, Bybanen, sykkel- og gangtiltak, og skal bidra til å nå nullvekstmålet for personbiltrafikken i Bergen. 

Vestland Fylkeskommune, Eigedom og Utbygging og Bybanen Utbygging

Bybanen Utbygging er Vestland fylkeskommune sin gjennomføringsorganisasjon framtidige byggetrinn, vogninnkjøp og ombyggingar. Bybanen Utbygging er en seksjon som høyrer til avdeling for Eigedom og Utbygging. Dei fleste oppdraga vi utfører kjem frå Miljøløftet og blir finansiert gjennom Byvekstavtalen.

For tida på går følgande oppdrag og prosjekter i Bybanen Utbygging:

• Førebuing, planlegging og utbygging av byggetrinn 5 – Bergen sentrum – Vågsbotn
• Innkjøp av nytt vognmateriell til byggetrinn 5
• Ombygging av eksisterande bybane infrastruktur
• Riving av Sølvvarefabrikken og oppbygging av areal ved Nonneseter haldeplass
• Bygging av Storavatnet terminal

Byggetrinn 5 av Bybanen til Åsane er for tiden det største enkeltståande prosjektet i Miljøløftet og dette prosjektet vil gi det størst bidraget til nullvekst i biltrafikken for Bergen

Riving av Sølvvarefabrikken - oppbygging av byrom på Nonneseter

Prosjektet starta i 2024 og omfattar riving av den tidlegare Sølvvarefabrikken og etablering av eit nytt byrom som synleggjer historia til Nonneseter kloster, som låg mellom kapellet og tårnfoten på oversida av Nonneseter haldeplass. Bybanen Utbygging har hatt ansvar for planlegging, prosjektering og gjennomføring av rive- og miljøsaneringsarbeid, samt grunn- og overflatearbeid, byromsutforming, etablering av nytt leskur og tilhøyrande tekniske installasjonar.

Arbeidet er gjennomført i tett samarbeid med Riksantikvaren, Byantikvaren, Fortidsminneforeininga, Vestland fylkeskommune og Bergen kommune, og på denne måten har ein klart å skapa nye gode kvalitetar ved Nonneseter.

Når prosjektet står ferdig våren 2027, vil Nonneseter bli eit nytt og attraktivt byrom som løfter fram historia om klosterlivet frå om lag 1050-talet. Her blir fortid og samtid samla på ein unik måte, slik at reisande og besøkande kan oppleve eit viktig stykke bergenshistorie medan dei ventar på Bybanen. Ny og gammal tid blir foreina i hjarta av byen.

Storavatnet terminal

Prosjektet omfattar etablering av nye Storavatnet kollektivterminal. Sotrasambandet er under bygging og i den anledning skal det etablerast ein ny kollektivterminal på Storavatnet.

Prosjektet er et samarbeid mellom Vestland fylkeskommune og Statens vegvesen. Bybanen Utbygging gjer oppdraget på vegne av Eigedom og Utbygging som er ansvarleg for bygging og utrustning av kollektivterminalar i Vestland fylkeskommune.

Prosjektet omfattar planlegging, prosjektering, anskaffing og bygging av alt inne på kollektivøya. Dette omfattar grunn- og infrastrukturarbeid, tekniske installasjonar, belysning, leskur, sykkelparkering og beplantning. Arbeidet starta i 2025 og vil stå ferdig våren 2027.

Vestland fylkeskommune inngjekk våren 2026 ein rammeavtale på leskur og utrustning av kollektivterminalar, kollektivknutepunkt, buss og bane haldeplassar i Vestland. Avtalen forvaltast til dagen av Bybanen Utbygging og med basis i denne er det nå planlagt å bruke denne avtalen for å etablere Storavatnet terminal, venterom på Askøy kai, kollektivterminal Straume, Måløy, Leirvik, mm.